Sabtu, 01 Oktober 2011

Surat Paleket pemargin Pangrebegan rikala patetoyan ring Ahyun Tambangan Badung

         “Surat Paleket malingga Ida Tjokorda Ratu Made Agung Gede Ngurah Pamecutan, jumeneng ring Puri Agung Denpasar, nguangun bebawos, pedagingan, ngampinang pamargin Grebeg punika sane kepenataran Ahyun Tambangan Badung, ngawiwitin Ngrebeg rikala dina, wra., wa., sungsang, kaula Badung tua, muah kaula Badung anyar pada keater antuk I Prebekel, sregep nggawa sanjatania, luire tumbak miwah bedil, makadi sakawule mantuke Puri Dangin, sakawula mantuke Puri Jambe, sakawule mantuk ring Ide Anake Agung Ngurah Oka ring Puri Anom ring Saren Kawuh, sakawule mantuk ring Ide Anake Agung Gede Oka ring Puri Kawan Denpasar, sakawule mantuke Puri Kesiman, sakawule mantuke Puri Tambak Gangsul, sakawule mantuk ring Ide Anake Agung Ketut Ngurah ring Puri Karang Anyar, sakawule mantuk ring Ide Anake Agung Ngurah Oka ring Puri Anom Saren Kangin, sakawule mantuk ring Ide Anake Agung Raka Putra.- 

          Wus punika, tkang dina Wre., Wa., Sungsang kagentining Grebege antuk kawula Ida Anake Agung Ngurah malingga ring Puri Belaluan, sareng kawula Ida Anake Agung Ngurah Ktut ring Puri Klodan DenPasar smalih kawula mantuk ring Ida Anake Agung Gde Jambe ring Puri Kawan DenPasar, sakawula mantuk ke Puri Titih, makamiwah kawulan Ida Anake Agung ring Manca sami, makadi Puri Tegal, Puri Oka, Puri Kaleran Kanginan, Puri Kaleran Kawan, Puri Jrokuta.-  
          Wus punika, tka dina Wre., Wa., Sungsang, malih katimbal antuk kawulan Ida Anake Agung Agung mangawiwitan.-  
          Malih ring purnamaning sasih kedasa, sami kawulan Ida Anake Agung Agung malingga mungguing arep pada rawuh Ngrebeg, kembuan antuk kawulan Ida Sang Brahmana, makadi Griya Taman, Griya Sindu, Griya Sanur, Griya Lodpeken, pada rawuh kawulan Ida Sang Malingga Brahmana mungguing arep, Ngrebeg ke Penataran Ahyun Tambangan Badung, mangda sami apahos-apahosan, ngawentenan Pajeg Agung pada masiki, saha gegambelan, yadian rikalanining Sugihan ring dina Wre., Wa., Sungsang, taler pemargin Grebeg punika mangda pada mapajeg, muah saha gegambelan. Muah selami-lamina, mangda pageh sahika pamargine, mangda sampunsayan temen ikawula, ring sarwa sanjatan ipun reh punika kakantenan Sikep Jagat.-  
          Surat puniki puput tinurun kewasa katah, kegamel pada malembar, antuk Ida Anake Agung, makawinan antuk Ida Sang Brahmana, sang pada malingga mungguiang arep, miwah kegamel antuk kang akutus ndawuhang salembar.-            

Catatan:
         Narasi di atas adlh salinan sesuai aslinya dari Lontar tentang jalannya Upacara Pengerebegan di Pura Tambangan Badung, sebelum tahun 1906, yaitu sewaktu Ida Tjokorda Ratu Made Agung Gede Ngurah Pamecutan (nama asli:  I Gusti Ngurah Made Agung) memegang Pemerintahan Kerajaan Badung, menggantikan Raja sebelumnya yaitu Kakanda beliau yg telah mangkat sementara Putera Mahkota masih di bawah umur.

Tidak ada komentar:

Posting Komentar

Sertakan email Anda ya.